News

कतारबाट दुई उडान मार्फत ३०३ जना नेपाली स्वदेश फर्किए

कोरोना भाइरसका कारण लगायत विभिन्न कारणले कतारबाट स्वदेश फर्किन नसकेका नेपाली नागरिकहरू मध्ये नेपाली दूतावासको समन्वय र नेपाल सरकारको सहजीकरणमा कतारबाट दोस्राे चरणको पहिलो दुई उडान मार्फद आज ३०३ जना नेपाली स्वदेश फर्किएका छन् ।

दोहाबाट काठमाडौँको लागि उडेको नेपाल एयरलाइन्सको जहाजमा १० जना महिलासहित १४९ जना रहेका छन् भने अर्को हिमालय एयरलाइन्सको जहाजमा २ जना महिलासहित १५४ जना रहेको कतारस्थित नेपाली दूतावासका द्वितीय सचीव प्रबीण भट्टराईले जानकारी दिएका छन् ।

यस्तै कतारमा विभिन्न कारणले मृत्यु भएकाहरू मध्ये दूतावासले कागजी प्रकृया पुरा गरी अन्तिम संस्कारको लागि नेपाल एयरलाइन्सको उडानमा २ वटा नेपालीको शव पनि स्वदेश पठाइएको सचिव भट्टराईले बताए ।

यस्तै आज साँझ र आइतबार पनि हिमालय एयरलाइन्सले दुई र नेपाल एयरलाइन्सले दुई वटा उडान गर्ने भएको छ । स्वदेश फर्कन लागेकालाई बिदाई गर्न दूतावासका द्वितीय सचिव प्रबीण भट्टराई, एनआरएनए कतारका प्रतिनिधिहरु हमाद अन्तर्राष्ट्रिय विमानस्थल पुगेका थिए । पहिलो चरणमा कतारबाट २ हजार ४ सय ६ जना नेपाली नागरिकहरू स्वदेश फर्किएका थिए ।

Related Articles

Back to top button
Close