News

चीनको शंकास्पद ल्याबसँग अमेरिकी कनेक्सन भेटियो, के कोरोना फैलाउन अमेरिकाको हात छ ?

काठमाडौं। कोरोनाभाइरस सबैभन्दा पहिले चीनको वुहान शहरबाट फैलिएको मानिएको छ । यो भाइरस जंगली जनावरबाट मानिसमा फैलिएको बताइएको छ । यस्ता भाइरस चमेरामा पाइने भएकोले सम्भवतः यो भाइरस पनि चमेरोबाटै फैलिएको अनुमान गरिएको छ । यही बीचमा चीनको एक प्रयोगशालामाथि पनि गम्भीर प्रश्न उठेको थियो । यो प्रयोगशाला चीनको जंगली जनावरको बजार नजिकै भएका कारण यो ल्याबमाथि प्रश्न उठेको थियो ।

यो ल्याब निकै सुविधासम्पन्न र उन्नत छ । यो ल्याब यस किसिमका भाइरसको विषयमा अनुसन्धान गर्ने चीनकै सबैभन्दा ठूलो ल्याब पनि हो । अब यो शंकास्पद ल्याबमा अमेरिकाको पनि सम्बन्ध भएको खुलासा भएको छ । बेलायती पत्रिका डेलिमेलले आफ्नो रिपोर्टमा यो ल्याबलाई अमेरिका सरकारले ३.७ मिलियन डलर दिएको केही दस्तावेजबाट खुलासा भएको दावी गरेको छ । यो ल्याबमा भाइरसहरुमा विभिन्न प्रयोग हुने गरेको बताइएको छ । यो खुलासाले अमेरिकाका कैयौं नेताहरु पनि चकित परेको रिपोर्टमा बताइएको छ ।

रिपोर्टमा यो ल्याब अर्थात वुहान भाइरोलोजी इन्स्टिच्युटमा चमेरोमा कुनै प्रयोग गर्ने क्रममा यो भाइरस लिक भएको र मानिसमा फैलिएको तर पछि चीनले यो भाइरस जनावरबाट मानिसमा फैलिएको बताएको हुन सक्ने दावी गरिएको छ । बेलायती प्रधानमन्त्री बोरिस जोनसनको इमरजेन्सी कमिटी कोबराका सदस्यले पनि ल्याबबाट भाइरस फैलिएको थ्योरीलाई विश्वास गर्न लायक भनेका छन् ।

अमेरिकी नेताहरुले आफ्नो देशको तर्फबाट चिनियाँ ल्याबलाई फण्ड दिइएको विषयमा बडा आपत्ति जनाएका छन् । केही अमेरिकी नेताहरुले जनावरहरुमा गरिने खतरनाक र हिंस्रक प्रयोगको लागि यो फण्ड दिइएको भन्दै आपत्ति जनाएका छन् । अमेरिकाको नेशनल इन्ष्टिच्युट अफ हेल्थको तर्फबाट वुहान भाइरोलोजी इन्ष्टिच्युटलाई यो रकम दिइएको थियो ।

अमेरिकी सांसद म्याट गेट्जले भने ‘सम्भवतः विश्वभर कोरोनाभाइरस फैलिनुमा जुन चिनियाँ ल्याबको योगदान छ उसलाई अमेरिकाले फण्ड दिएको खबरले म निकै नराम्रो महसुस गरिरहेको छु ।’ शनिबार ह्वाइट हाउस कोट वेस्ट नामको समूहका अध्यक्ष एन्थोनी बेलोटीले पनि चीनलाई अमेरिकाले सहयोग गरेको कुराको निन्दा गरेका थिए । एन्थोनीले भनेका थिए ‘हुन सक्छ चिनियाँ ल्याबमा भाइरस संक्रमित गरिएको कुनै जीव वा कुनै अरु तरिकाले बिरामी वा प्रताडित गरिएका जीवहरुमा प्रयोग पूरा भएपछि उनीहरुलाई जंगली जनावरको बजारमा बेचिएको हुन सक्छ ।’

केही दिन पहिले बेलायती प्रधानमन्त्री बोरिस जोनसनको इमरजेन्सी कमिटी कोबराका उक सदस्यले भनेका थिए ‘वैज्ञानिक रुपमा अहिले पनि यो कुरामा तौल छ कि खतरनाक भाइरस वुहानको जनावरको बजारबाट मानिसमा पुग्यो तर भाइरसको प्रकृति हेर्दा विश्वास गर्न योग्य वैकल्पिक थ्योरी पनि छ । सम्भव छ कि वुहानमा त्यो ल्याब हुनु संयोग मात्र नहोला । यो सम्भावनालाई खारेज गर्न सकिन्न ।’

Related Articles

Back to top button
Close