News

सन् २०२१ अघि अन्तर्राष्ट्रिय उडान नखोल्ने अष्ट्रेलियाको संकेत

काठमाडौं – कोरोना भाइरसको महामारीका कारण अन्तराष्ट्रिय उडानमा प्रतिबन्ध लगाएको अष्ट्रेलियाले सन् २०२१ अघि प्रतिबन्ध नहटाउने संकेत गरेको छ ।
अष्ट्रेलियाका संघीय पर्यटनमन्त्री सिमोन बर्मिङघमले अन्तर्राष्ट्रिय ट्राभल एजेन्टहरुलाई सन् २०२० का कुनै पनि अन्तर्राष्ट्रिय विदाको प्याकेज बुकिङ नगर्न सुझाव दिएका छन् ।

एबीसी न्यूजलाई दिएको अन्तर्बार्तामा बर्मिङघमले भने,’ ‘तपाइँहरुले डिसेम्बरसम्म त्यस्ता यात्रा गर्न पाउनुहुनेछ भनेर म ग्यारेन्टी गर्न सक्दिन,’ उनले भने ‘यो यस्तो समय हो जतिबेला मानिसहरु अन्तर्राष्ट्रिय विदा मनाउन जान सकिरहेका छैनन् र यो अझै केही समयसम्मका लागि रहन्छ ।’आन्तरिक उडान भने भने आउँदा महिनामा खुला हुन सक्ने उनले बताएका छन् । अष्ट्रेलियाले कोरोनाभाइरसको कारण अन्तर्राष्ट्रिय उडानमा कडा प्रतिबन्ध लगाएको छ ।

अत्यन्तै जरुरी बाहेक अन्तर्राष्ट्रिय यात्रा गर्न पाइँदैन र बाहिरबाट फर्कनेहरु अनिवार्य १४ दिनसम्म क्वारेन्टाइनमा बस्नुपर्ने व्यवस्था गरिएको छ । अष्ट्रेलियामा सोमबारसम्म कोरोना भाइरसका कारण ६१ जनाको मृत्यु भएको छ भने ६ हजार ३९४ जना संक्रमित भएका छन् ।

Related Articles

Back to top button
Close