News

विद्युत प्राधिकरणमा कुलमान घिसिङलाई नै निरन्तरता दिने प्रस्ताव तयार

१४ भदौ, काठमाण्डौ । विद्युत प्राधिकरणको कार्यकारी निर्देशकमा कुलमान घिसिङलाई नै निरन्तरता दिने प्रस्ताव तयार भएको छ। उर्जा मन्त्रालयले घिसिङ लाई नै आगामी चार वर्षका लागि कार्यकारी निर्देशकमा निरन्तरता दिने तयारी गरेको हो । घिसिङको कार्य अवधि आगामी २९ भदौमा सकिदैछ। तर, फेरि पनि उनलाई नै निरन्तरता दिने प्रस्ताव उर्जा मन्त्रालयले तयार पारेको हो।

उर्जा मन्त्री वर्षमान पुनले घिसिङ लाई निरन्तरता दिने बारे प्रधानमन्त्री एवम् नेकपा अध्यक्ष केपी शर्मा ओलीसँग परामर्श गरिसकेका छन्। “प्रधानमन्त्री ओली कुलमान घिसिङ लाई नै निरन्तरता दिन तयार हुनुभएको छ”, मन्त्री पुनका सचिवालयका एक सदस्यले भने। तर, पुनः नियुक्त भएपछि घिसिङले सरकारको प्रणाली पालना गर्नुपर्ने प्रधानमन्त्री ओलीले सर्त राखेका छन्।

“विद्युत प्राधिकरण र त्यहाँ नियुक्त हुने व्यक्ति सरकार कै अंग हुन् भन्ने तथ्य भुल्न चाहिँ भएन”, प्रधानमन्त्री ओली को भनाइ थियो । मन्त्री पुनले यस बारे नेकपाका अर्का कार्यकारी अध्यक्ष पुष्पकमल दाहाल सँग समेत सल्लाह लिएका छन्। घिसिङ लाई निरन्तरता दिन अध्यक्ष दाहाल सहमत भएका छन्। “धेरैको माग पनि घिसिङ नै हुनुपर्छ भन्ने छ, यस्तो बेला अर्काे विकल्प खोज्नु राम्रो होइन”, दाहालले मन्त्री पुनसँग भनेका थिए।

मन्त्रालय स्रोतका अनुसार, घिसिङ लाई नै निरन्तरता दिने गरी तयार भएको प्रस्ताव मन्त्रिपरिषद मा पठाउन भने बाँकी छ। “कहिले पठाउने भन्ने निश्चित भइ सकेको छैन, तर प्रस्ताव तयार भइसक्यो”, ती स्रोतले भने। मंगलबारको मन्त्रिपरिषद बैठकबाटै घिसिङ लाई निरन्तरता दिइएको भन्ने प्रचारको भने सरकारले ख’ण्डन गरेको छ। सरकारका प्रवक्ता युवराज खतिवडाले घिसिङलाई निरन्तरता दिने प्रस्ताव तयार नभएको बताएका थिए।

Related Articles

Back to top button
Close