News

बीसीजी खोप प्रयोग गरिएकामा प्रतिरोधी क्षमता बढी, नेपालमा कोरोनाको मृत्युदर कम हुन सक्ने

काठमाडौं – अमेरिकी शोधकर्ताहरुको एक अध्ययनले बीसीजी (बेसिलस क्यालमेट गुएरिन) खोपको ठूलो मात्रामा प्रयोग गरिएका मानिसमा रोग प्रतिरोधात्मक क्षमता बढी हुने निचोड निकालेको छ ।

क्षयरोग (ट्युबरकुलोसिस) विरुद्ध रोग प्रतिरोधी क्षमता बढाउन लगाइने बीसीजी खोपले कोरोना भाइरसको संक्रमणबाट जोगाउन पनि केही कम गर्ने शोधकर्ताहरुको अध्ययनले देखाएको छ ।

बीसीजी खोप लगाइएका देशहरुमा कोरोनाभाइरसको संक्रमणबाट हुने मृत्युदर अन्य देशहरुको तुलनामा ६ गुणा कम पाइएको छ ।

जोन्स हप्किन्स ब्लुमबर्ग स्कुल अफ पब्लिक हेल्थका विशेषज्ञहरुले गरेको उक्त अध्ययनको परिणामलाई आर्काइभ साइट मेडरिक्सिभमा प्रकाशित गरिएको छ । स्वास्थ्य विशेषज्ञको समीक्षापछि यसलाई मेडिकल जर्नलमा पनि प्रकाशित गरिने तयारी भएको छ ।

बेलायती प्रख्यात पत्रिका डेलीमेलमा प्रकाशित समाचारअनुसार बीसीजी खोप दिइएको व्यक्तिहरुमा रोग प्रतिरोधी क्षमता बढी हुने र अन्य व्यक्तिहरुको तुलनामा स्वयंलाई संक्रमणविरुद्ध धेरै सुरक्षित राख्न सक्ने पाइएको छ ।

नेपालमा पनि २०३४ पनि बीसीजी खोपको प्रयोग ब्यापक मात्रामा गरिदै आएकाले कारोनाबाट हुने मृत्यु दर कम हुने आकलन सुरु भएका छन् ।

नेपालमा आइतबारसम्म ३१ जना कोरोना भाइरसका संक्रमित देखिएकामा ४ जना उपचारपछि ठीक भएर घर फर्किसकेका छन् ।

यद्यपि बीसीजी खोप लगाउनेहरुको कोरोनाभाइरस संक्रमणबाट मृत्युदर कम भएको पाइए पनि यसबाट संक्रमणको खतरा कम हुने या नहुने भन्नेबारे आधिकारिक पुष्टि गरिएको छैन ।

Related Articles

Back to top button
Close