News

अहिले आएर फेरी महरा–रोशनी काण्डले लियो यस्तो रुप !

काठमाडौं । जिल्ला अदालत काठमाडौंले -बला-त्कार प्रयासको अभियोग लागेका पूर्वसभामुख कृष्णबहादुर महराले सफाइ पाउने मुख्य आधार नै पीडित भनिएकी महिलाको इन्कारी बयान भएको ठहर गरेको छ ।न्यायाधीश अम्मरराज पौडेलले गरेको फैसलाअनुसार महरालाई कुनै पनि आधारमा दोषी ठहर गर्न मिल्ने प्रमाण नभेटिएको फैसलाको पूर्ण पाठमा उल्लेख छ । जिल्ला अदालतबाट महराले गत ५ फागुन २०७६ मा सफाइ पाएर छुटेको भए पनि फैसलाको पूर्ण पाठ भने केही समयअघि मात्रै आएको हो ।

पीडित भनिएकी संसद् सचिवालयकी कर्मचारीले अनुसन्धानका क्रममा र पछि अदालतमा बकपत्र गर्दा आफूमाथि प्रयासको आरोप खण्डन गरेको, अनुसन्धानका क्रममा नै उनले इन्कारी निवेदन दिएको, बकपत्रमा महरा आफ्नो कोठामा नआएको भनी लेखाएकोलगायतका कारण विश्लेषण गर्दै महरा दोषी हुन नसक्ने फैसलामा उल्लेख छ ।

अदालतले ‘वयस्क उमेरको पीडित जाहेरवालाले सुझबुझका साथ बिना कुनै दबाब अदालतसमक्ष गरेको बकपत्रलाई यस अदालतले निर्णायक प्रमाणको रूपमा लिनुपर्ने हुन्छ’ भनेको छ र उनकै बयानका आधारमा महरा निर्दोष रहेको फैसला सुनाएको छ । ‘कृष्णबहादुर महरा पीडितको डेरा कोठामा गई र-क्सी से-वन गरी हा-तपा-त गरी पीडितउपर करणीको उद्योग गरेका हुन् भनी बिनाआधार कसुर कायम गर्न मिल्ने देखिएन,’ फैसलामा भनिएको छ, ‘प्रमाणको अभावमा प्रतिवादी महराले अभियोग दाबीबाट सफाइ पाउने ठहर्छ ।’

त्यस्तै, फैसलामा पीडित महिलाको स्वास्थ्य अवस्थाको विषयमा देखिएको विषयलाई पनि उल्लेख गरिएको छ । पीडित महिलाको स्वास्थ्य परीक्षण गर्ने चिकित्सकले अदालत पुगेर ‘पीडितको तत्कालको स्वास्थ्य अवस्था हेरी मा-नसिक रोग विशेषज्ञसँग परामर्श गर्न सुझाव दिइएको’ बताएका थिए । विशेषज्ञ चिकित्सकको यस्तो भनाइलाई अदालतले ‘पीडित महिलाले आफूले मानसिक रोगको औ-षधि से-वन गरिरहेको छु भन्ने दाबी पुष्टि भएको’ भनेको छ ।

पीडित मानसिक रूपमा स्वस्थ नरहेको र उनले त्यस अवस्थामा दिएको जाहेरीलाई ‘वास्तविक र यथार्थपरक’ मान्न नसकिने ठहर गरेको छ ।‘वयस्क महिलाले अदालतमा आई आफूले दिएको जाहेरी पूर्णतः खण्डन गरी प्रतिवादी निर्दोष रहेको भनी लेखाएको बेहोरालाई अदालतले अन्यथा भन्न मिल्ने ठाउँ रहँदैन । यस विवादमा पीडित स्वयंले मुद्दाको अनुसन्धानको चरणदेखि नै प्रतिवादी निर्दोष रहेको, वारदात मितिमा प्रतिवादी आफ्नो डेरा कोठामा नआएको र मउपर प्रतिवादीबाट कुनै कसुर नै नभएकाले प्रतिवादीलाई मुद्दाको अनुसन्धान गर्दाको चरणमा समेत प्रहरी हिरासतमा राख्ने गरी म्याद समेत थप्न हँुदैन भनी निवेदन दिएको देखिएको छ भने बकपत्र गरेको देखिँदा अदालतले जाहेरवालाको बकपत्रलाई अन्यथा शंका गर्नुपर्ने अवस्था देखिँदैन,’ फैसलामा उल्लेख छ ।

गत १२ असोजमा महरा पीडितको कोठामा पुगेको र दुवै पक्षबीच छिनाझम्टी हुँदा महराको चस्मा खसेर फु’टेको थियो । सिसासहितको एउटा फ्रेम महराले आफूले लगेपछि एउटा आँखाको सिसा र चस्माको खुट्टा पीडितको कोठामा छुटेको थियो । आरोपपत्रको दाबीअनुसार, ‘घटनास्थलमा भेटिएको चस्माको सिसा र फ्रेमको डन्डी महराको नै हो भन्ने तथ्य स्थापित भएको देखिन्छ ।’ तर, अदालतले त्यसलाई प्रमाण र आधार मानेको छैन ।

सुरुमा प्रहरीमा पूर्वसभामुख महराविरुद्ध किटानी जाहेरी दिएकी पीडितले पछि आफूमाथि करणीको प्रयास नभएको बयान दिएकी थिइन् । साथै उनले प्रहरीमा निवेदन दिँदै आफ्नो कोठामा महरा नआएकाले छानबिन अगाडि नबढाउन भनेकी थिइन् । सो निवेदनलाई पनि अदालतले प्रमाण मान्दै महराले करणी गरेको पुष्टि हुन नसक्ने फैसला गरेको हो ।

जिल्ला अदालतले अनुसन्धानकै क्रममा पीडितले आफूमाथिको कसुर इन्कार गरेकाले त्यसलाई मान्यता दिनुपर्ने फैसला गरेको छ । अदालतमा आएर बयान फेरेको नभई पीडित स्वयंले मुद्दाको अनुसन्धानको चरणदेखि नै प्रतिवादी निर्दोष रहेको, वारदात मितिमा प्रतिवादी आफ्नो डेरा कोठामा नआएको र मउपर प्रतिवादीबाट कुनै कसुर नै नभएकोले अनुसन्धानका क्रममा हिरासतमा राख्दासमेत म्याद थप्न हुँदैन भनेको भन्दै त्यस्तो अवस्थामा महरालाई दोषी ठहर गर्न नहुने उल्लेख छ । यो समाचार आजको राजधानी दैनिकमा निराजन पौडेलले लेखेका छन् ।

Related Articles

Back to top button
Close