News

चलचित्र प्राविधिकहरुलाई ‘छक्का पञ्जा’ टिमको १ लाख सहयोग

काठमाडौं – ‘छक्का पञ्जा’ टिमले चलचित्र प्राविधिकहरुका लागि १ लाख १० हजार रुपैयाँ सहयोग गर्ने भएका छन् ।
कलाकार दीपकराज गिरी, दीपाश्री निरौला, केदार घिमिरे लगायतले सामाजिक सञ्जाल फेसबूकमा एउटै स्टाटस लेख्दै सहयोग गर्ने जनाएका हुन् । उनीहरुले अरु फिल्मकर्मीलाई पनि सहयोग गर्न आह्वान गरेका छन् ।

‘चलचित्रकर्मी साथीहरु, हामीलाई शूटिमको समयमा भोक लाग्दा खाना खुवाउने, हामीलाई गमी हुँदा छाता ओढाउने, हामीलाई राम्रो देखाउन गह्रौं लाइट उचाल्ने प्राविधिकहरुका लागि यो कठिन समयमा केही सहयोग गरौं,’ टिमले स्टाटस लेख्दै भनेको छ, ‘हाम्रो तर्फबाट १ लाख १० हजार दिँदैछौं ।’

‘छक्का पञ्जा’ टिमले एकमुस्ट सहयोग गर्न चाहेको र सबैले सक्दो सहयोग गर्न आह्वान पनि गरेको छ ।
कोरोना भाइरस फैलिन सक्ने भन्दै सरकारले गरेको लकडाउनका कारण सयभन्दा बढी प्राविधिकहरूको काम खोसिएको छ । प्राविधिकहरूलाई आर्थिक संकट परेको भन्दै नेपाल चलचित्र प्राविधिक संघले सहयोगको अपिल गरेको थियो ।

Related Articles

Back to top button
Close