News

राष्ट्रपति नै ‘धृतराष्ट्र’ बनेपछि ‘हस्तिनापुर’ को संरक्षण कसले गर्ला: रामचन्द्र पौडेल

नेपाली कांग्रेसका वरिष्ठ नेता रामचन्द्र पौडेलले प्रधानमन्त्री केपी शर्मा ओलीले देशमा अस्थिरता, अराजकता र भाडभैलो मच्चाउने काम गरेको आरोप लगाएका छन्।

बुधबार बसेको कांग्रेस केन्द्रीय कार्यसमिति बैठकमा लिखित धारणा राखेका पौडेलले प्रधानमन्त्रीले संवैधानिक परिषद र राजनीतिक दल सम्बन्धी अध्यादेश ल्याएर अस्थिरता निम्ताउने काम गरेको पनि बताए। उक्त अध्यादेशहरू राष्ट्रपतिले खारेज गरिसकेकी छन्।

साथै पौडेलले राष्ट्रपतिको भूमिकामाथि पनि प्रश्न गरेका छन्।

‘एकातिर अध्यादेश जारी गर्ने, अर्काको पार्टी तोड्न सांसद अपहरण गर्न बाहुबली खटाउने र लकडाउनमा जनकपुरको गाउँमा बसिरहेको सांसदलाई आश, त्रास देखाउँदै काठमाडौं ल्याउने कार्य गर्नु रक्षक नै भक्षक बनेको हो कि होइ?,’ पौडेलको प्रश्न छ, ‘संविधानका संरक्षक राष्ट्रपति नै ‘धृतराष्ट्र’ बनेपछि ‘हस्तिनापुर’ को संरक्षण कसले गर्ला?’

कोरोना संकटका बेला संविधानको मर्म र भावना विपरीत संवैधानिक परिषद् आफ्नो मुठीमा ल्याउने र पार्टीहरुमा तोडफोड मचाउने नियतले दल त्याग सम्बन्धी ऐन संशोधन गर्न अध्यादेशहरु जारी गर्न पुग्ने प्रधानमन्त्रीले अस्थिरता, अराजकता र भाडभैलो मचाउने खराब नियत राखेको पनि उनको आरोप छ।

सरकारका यस्ता गतिविधिले जनतामा निराशा छाएको उनको भनाइ छ। ‘यस्ता तमासाहरुको प्रदर्शनबाट आज देशका तमाम जनता निराश बनेका छन्। विकल्पको खोजी गरिरहेका छन्,’ पौडेलको भनाइ छ।

Related Articles

Back to top button
Close