News

अमेरिकामा कोरोना संक्रमणबाट दुई नेपालीभाषी भुटानीको निधन

अमेरिका – अमेरिकामा कोरोना भाइरस को संक्रमणबाट दुई नेपालीभाषी भुटानीको निधन भएको छ।

निधन हुनेमा केन्टकी राज्यको लुइभिल बस्ने विष्णुमाया सुब्बा र आयोवा राज्यको डेमोइ बस्ने प्रितीमाया राई रहेका छन्। ५८ वर्षीया सुब्बाको निधन बिहीबार भएको हो भने ९९ वर्षीया राईको मंगलबार निधन भएको हो।

भुटानको लप्सीबोटे, चिराङ्ग जन्मेकी सुब्बा झापाको दमकस्थित बेलडाँगी–२ हुँदै अमेरिका पुनर्स्थापित भएकी थिइन्।

भुटानको दोरोखा साम्चीबाट धपाइएपछि मोरङको पथरीमा आएकी थिइन्। त्यहाँबाट २०१४ नोभेम्बरमा आयोवा पुनर्स्थापित भएकी थिइन्।

 

यो पनि पद्नुहोस

राँझा, ९ जेठ – नेपालगञ्जका पहिलो सङ्क्रमितसहित एकैपटक २१ जनाले कोरोना भाइरसलाई जितेका छन् । नेपालगञ्ज उपमहानगरपालिका वडा नं ७ का पहिलो सङ्क्रमित ६० वर्षीय पुरुषसहित नेपालगञ्ज–८ जोलाहनपुरका २० जना गरी २१ जना कोरोना भाइरसबाट निको भएका हुन् ।

खजुरास्थित सुशील कोइराला प्रखर क्यान्सर अस्पतालमा प्रदेश सरकराले स्थापना गरेको कोरोना विशेष आइसोलेशन अस्पतालमा उपचार गराईरहेका उनीहरुमध्ये पहिलो सङ्क्रमितको तेस्रो पटकको परीक्षणमा मात्रै नेगेटिभ रिपोर्ट आएको भेरी अस्पताल नेपालगञ्जका मेडिकल सुपरिटेण्डेण्ट डा प्रकाश थापाले बताउनुभयो । उहाँका अनुसार पहिलो सङ्क्रमितको यसअघि गरिएको दोस्रो पटकको परीक्षणमा पनि रिपोर्ट पोजेटिभ देखिएको थियो । अन्य २० जनाको भने दोस्रो पटकको रिपोर्ट नेगेटिभ आएको थियो । कोरोना पराजित गरेका २१ जनालाई आज नै स्वास्थ्य परामर्शपछि घर पठाइने छ ।

सुशील कोइराला अस्पताल खजुराको कोरोना विशेष अस्पतालमा उनीहरुलगायत २५ जना संक्रमितलाई राखी उपचार भइरहेको छ । अन्य चार जनाको समयावधि नपुगेको हुँदा दोस्रो परीक्षण नगरिएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो । तीन दिनअघि दोस्रो तथा तेस्रो परीक्षणका लागि स्वाब सङ्कलन गरी भेरी अस्पतालको प्रयोगशालामा दुई पटकसम्म गरिएको परीक्षणमा पनि २१ जनाको रिपोर्ट नेगेटिभ आएको उहाँको भनाइ छ । नेपालगञ्जमा गत वैशाख १९ गते पहिलो सङ्क्रमण पुष्टि भएको थियो । हाल सङ्क्रमित १०१ पुगेका छन् । (रासस)

Related Articles

Back to top button
Close